"ကျွန်တော်တို့ တစ်ယောက်ချင်းစီရဲ့ အတွင်းသန္တာန်မှာ မီးခြစ်ဗူးတစ်ဗူးစီနဲ့အတူ မွေးဖွားလာကြတာပါ။"
Laura Esquivel, Like Water for Chocolate
___________________________________________________________________________
ဖယောင်းတိုင်
အရာရာဟာ မှောင်အတိကျသွားတဲ့အခါ... ကျွန်တော်တို့မှာ ဘာတွေရှိနေသလဲဆိုတာကို မမြင်နိုင်တော့ပါဘူး။ ဒါပေမဲ့ အဲ့ဒီလို မမြင်ရတာဟာ ကျွန်တော်တို့မှာ အဲ့ဒီအရာတွေ မရှိတော့ဘူးလို့ ဆိုလိုတာမဟုတ်ပါဘူး။ အဲ့ဒီအရာတွေအားလုံးဟာ ကျွန်တော်တို့ရဲ့ ရှေ့တည့်တည့်မှာပဲ ရှိနေဆဲပါ။
ကျွန်တော်တို့ လုပ်ရမှာကတော့... ဖယောင်းတိုင်တစ်တိုင်ကို ထွန်းညှိလိုက်ဖို့ ဒါမှမဟုတ် မျှော်လင့်ချက်မီးတောက်လေးတစ်ခုကို မွေးမြူလိုက်ဖို့ပါပဲ။ အဲ့ဒီအခါမှာတော့... ကျွန်တော်တို့ ဆုံးရှုံးသွားပြီလို့ ထင်ထားခဲ့တဲ့ အရာတွေဟာ တကယ်တော့ ပျောက်ကွယ်သွားတာမဟုတ်ဘဲ ခေတ္တခဏ ဖုံးကွယ်နေခဲ့တာသာဖြစ်ကြောင်း မြင်တွေ့ရပါလိမ့်မယ်။
__________________________________________________________________________
အခိုက်အတန့်များ ထည့်ထားသည့် အိတ်တစ်လုံး
ပျော်ရွှင်စရာ အခိုက်အတန့်လေးတွေဟာ အင်မတန် အဖိုးတန်ပါတယ်။ ကျွန်တော်တို့ အဲ့ဒီအရာလေးတွေကို မြဲမြဲဆုပ်ကိုင်ထားဖို့ လိုပါတယ်။ သူတို့ကို သိမ်းဆည်းထားပါ။ ချရေးထားပါ။ အိတ်တစ်လုံးထဲကို ထည့်ထားလိုက်ပါ။
ပျော်ရွှင်စရာ အခိုက်အတန့်တွေဆိုတာ ဘယ်တော့မှ ရှိမလာနိုင်တော့ဘူးလို့ ထင်ရတဲ့ အချိန်မျိုးတွေမှာ အဲ့ဒီ အိတ်လေးကို သင့်နားမှာ အမြဲဆောင်ထားပါ။ တစ်ခါတလေမှာ ပျော်ရွှင်မှုဆိုတာ ရှိခဲ့ဖူးပါလားလို့ ပြန်လည်အမှတ်ရမိရုံသက်သက်နဲ့တင် ပျော်ရွှင်မှုက တကယ်ဖြစ်လာနိုင်ချေ ပိုများသွားစေပါတယ်။
_____________________________________________________________________________
သင့်ရဲ့ အဖိုးအတန်ဆုံး ပိုင်ဆိုင်မှု
ပစ္စုပ္ပန်ဆိုတာ... ကျွန်တော်တို့ သိရှိထားတဲ့အရာပါ။ အနာဂတ်ဆိုတာကတော့... ကျွန်တော်တို့ မသိနိုင်တဲ့အရာပါ။ ပစ္စုပ္ပန်ဆိုတာ... ခိုင်မာတဲ့ အရှိတရား ဖြစ်ပါတယ်။ အနာဂတ်ဆိုတာကတော့... စိတ်ကူးယဉ် သဘောတရားသက်သက်ပါပဲ။
နောင်တစ်ချိန်မှာ သင်မပိုင်ဆိုင်ရသေးတဲ့ တခြားအရာတွေကို ဆုံးရှုံးရနိုင်ခြေ ရှိတာကြောင့်ဆိုတဲ့ အကြောင်းပြချက်နဲ့... သင့်မှာရှိပြီးသား အဖိုးအတန်ဆုံး ပိုင်ဆိုင်မှုကို မီးရှို့ဖျက်ဆီးပစ်လိုက်တာဟာ အနာဂတ်အတွက် ပူပန်ရင်းနဲ့ ပစ္စုပ္ပန်ကို ဖျက်ဆီးပစ်လိုက်တာနဲ့ အတူတူပါပဲ။
Comments
Post a Comment