ထူးဆန်းသော အတွေးအခေါ်များ၏ အရေးပါမှု
ထူးဆန်းနေခြင်း ဟာ ကောင်းပါတယ်။ ထူးခြားဖောက်ထွက်နေခြင်း ဟာလည်း ကောင်းပါတယ်။ လူအုပ်ကြီးနဲ့ သီးခြားစီ ဖြစ်နေခြင်းဟာလည်း ကောင်းမွန်တဲ့အရာပါ။
ဒဿနပညာရှင် ဂျွန် စတူးဝပ် မေးလ် (John Stuart Mill) ကတော့... လူအုပ်ကြီးရဲ့ "တူညီရမယ်" ဆိုတဲ့ ဖိနှိပ်မှုတွေနဲ့ ထုံးတမ်းစဉ်လာတွေကို ရိုက်ချိုးဖို့အတွက် အခုလို ထူးခြားဖောက်ထွက်နေခြင်းဟာ နိုင်ငံသားတစ်ယောက်ရဲ့ တာဝန်တစ်ခုလိုတောင် ဖြစ်တယ်လို့ ယူဆခဲ့ပါတယ်။ ကျွန်တော်တို့ဟာ အပြင်ပန်းမှာ ထူးခြားမနေဘူးလို့ ထင်ရပေမဲ့... ကျွန်တော်တို့အားလုံးရဲ့ အတွင်းစိတ်ထဲမှာတော့ ထူးခြားတဲ့ အစိတ်အပိုင်းလေးတွေ ရှိနေကြပါတယ်။
ကျွန်တော်တို့ရဲ့ အတွေးနယ်ပယ်ရဲ့ အစွန်အဖျားတွေမှာ ရုတ်တရက် ပေါ်လာတတ်တဲ့ အတွေးမျိုးတွေ၊ မီးကူးစက်နိုင်တဲ့ ကျပန်း လျှပ်စစ်မီးပွားလေးတွေလို အတွေးမျိုးတွေပေါ့။ နိုင်ငံရေးအရ ဆန့်ကျင်ဘက် အမြင်တွေကို ပေးစွမ်းတဲ့ အတွေးတွေ၊ ကိုယ့်ရဲ့ တခြားအတွေးတွေနဲ့ အံဝင်ခွင်ကျ မဖြစ်နေတဲ့ အတွေးတွေ၊ ကိုယ့်ရဲ့ တခြားအကြိုက်တွေနဲ့ ဆန့်ကျင်နေတဲ့ အကြိုက်မျိုးတွေ... အဲ့ဒါတွေပါပဲ။
ကျွန်တော်တို့ အသက်ကြီးလာတာနဲ့အမျှ... ခေတ်ရေစီးကြောင်းကို ဆန့်ကျင်တဲ့ အဲ့ဒီလို ပုံမှန်မဟုတ်တဲ့ အစိတ်အပိုင်းလေးတွေ ကို ပျိုးထောင်ပေးဖို့ လိုအပ်ပါတယ်။ ဘာလို့လဲဆိုတော့... အဲ့ဒီအချက်တွေကပဲ ကျွန်တော်တို့ကို အမြဲတမ်း သစ်လွင်နေစေမှာဖြစ်သလို၊ အံ့သြစရာတွေ ဖန်တီးနိုင်စွမ်း ရှိနေစေမှာမို့လို့ပါ။ အဲ့ဒီထူးခြားချက်တွေက ကျွန်တော်တို့ကို ကိုယ့်ကိုယ်ကိုယ် ပြန်ပြီး ကာဗာဗားရှင်းပြန်ဆိုနေရသူ မဖြစ်အောင် တားဆီးပေးပါလိမ့်မယ်။
သူတို့က ကျွန်တော်တို့ကို သီချင်းသစ်တစ်ပုဒ် ဖြစ်လာအောင် ကူညီပေးပါလိမ့်မယ်။
Comments
Post a Comment