Skip to main content

ရွှေရောင်ဆိတ်ငါးလေးများ (The goldsaddle goatfish)





ရွှေရောင်ဆိတ်ငါးလေးများ (The goldsaddle goatfish)

Goldsaddle goatfish ဆိုတာ ရွှေအိုရောင်တောက်နေတဲ့ လှပတဲ့ ငါးလေးတစ်မျိုးပါ။ သူတို့ဟာ အရွယ်အစားရော၊ အမူအကျင့်ပါ Red Mullet ငါးတွေနဲ့ ဆင်တူကြပါတယ်။ ဟာဝိုင်ယီပင်လယ်ပြင်ထဲမှာတော့ သူတို့ဟာ လူသားတွေအပါအဝင် ပိုမိုကြီးမားတဲ့ သားရဲတိရစ္ဆာန်တွေရဲ့ အမဲလိုက်ခြင်းကို အမြဲတစေခံရလေ့ရှိတဲ့ အားနည်းတဲ့ သတ္တဝါလေးတွေပေါ့။

မကြာသေးခင်က အဲ့ဒီဒေသက ရေငုပ်သမားတွေဟာ ထူးခြားတဲ့ အချက်တစ်ခုကို သတိထားမိလာကြပါတယ်။ အဲ့ဒီပင်လယ်ထဲမှာပဲ အရင်က ငါးလေးတွေနဲ့ အရောင်ချင်းတူပြီး ပိုမိုကြီးမားတဲ့ ငါးကြီးတစ်ကောင် ကူးခတ်နေတာကို တွေ့ရတာပါ။ ဒါပေမဲ့ ရေငုပ်သမားတွေက အဲ့ဒီငါးကြီးနားကို ကပ်သွားတဲ့အခါမှာတော့... အဲ့ဒီငါးကြီးဟာ ငါးကြီးတစ်ကောင် မဟုတ်တော့ဘဲ ပုံမှန်အရွယ်အစားရှိတဲ့ Goldsaddle goatfish ရှစ်ကောင်လောက်အဖြစ် တစ်ကောင်ချင်းစီ ကွဲထွက်သွားတာကို တွေ့လိုက်ရပါတယ်။

အဲ့ဒီငါးလေးတွေဟာ အန္တရာယ်တစ်ခုခုကို ခံစားရတဲ့အခါ... ပိုမိုကြီးမားတဲ့ ငါးကြီးတစ်ကောင်ရဲ့ ပုံသဏ္ဌာန်အတိုင်း အတိအကျဖြစ်အောင် တစ်ကောင်နဲ့တစ်ကောင် အရမ်းကို ကပ်ပြီး စုပေါင်းကူးခတ်ကြတာ ဖြစ်ပုံရပါတယ်။ ဒါဟာ သက်ရှိသတ္တဝါတွေဟာ တစ်သားတည်းကျအောင် စုစည်းလိုက်တဲ့အခါ ကိုယ့်ရဲ့ အားနည်းချက်တွေကို ဘယ်လိုဖယ်ရှားပစ်နိုင်သလဲဆိုတာကို ပြသနေတဲ့ သဘာဝတရားရဲ့ သန်းပေါင်းများစွာသော သာဓကတွေထဲက တစ်ခုပါပဲ။

လူသားတွေဟာလည်း တစ်ဦးကိုတစ်ဦး ကူညီဖေးမခြင်းအားဖြင့် ကယ်တင်ခြင်း ခံရနိုင်တယ်။ နှစ်စဉ်ကြုံတွေ့နေရတဲ့ လူ့အခွင့်အရေး တိုက်ပွဲတွေ၊ သဘာဝဘေးအန္တရာယ်တွေ ဒါမှမဟုတ် ကပ်ရောဂါဆိုးတွေဟာ... အကျပ်အတည်းတွေကြားမှာ လူတွေ ဘယ်လို စုပေါင်းရုန်းကန်ကြသလဲဆိုတာကို ပြသနေတဲ့ ဥပမာတွေပါပဲ။ အိမ်နီးချင်းက အိမ်နီးချင်းကို၊ သူငယ်ချင်းက သူငယ်ချင်းကို၊ မဟာမိတ်က မဟာမိတ်ကို ဘယ်လို ပြန်လှည့်ကြည့်ကြသလဲဆိုတာပေါ့။ ကျွန်တော်တို့မှာ တစ်ယောက်ကိုတစ်ယောက် ရှိနေကြပါတယ်။ 

"အတူတကွရှိခြင်း" (Togetherness) ဆိုတာ သဘာဝတရားရဲ့ မဖောက်ဖျက်နိုင်တဲ့ နိယာမတစ်ခုပါပဲ။


TN // Togetherness ဆိုတဲ့ စာလုံးလေး သဘောကျနေတာ ။ ရည်းစားရရင် ရည်းစားတဲ့ ဆင်တူတက်တူးထိုးလို့ရတယ်။ နာမည် မဟုတ်တော့ လူပြောင်းသွားလည်း ပြဿနာမရှိဘူးပေ့ါ။ ဟိ 😂

NEXT
Labels:

Comments

Post a Comment

Popular posts from this blog

1

အခန်း (၁) ရှန်ယွီ သည် ကားနောက်ခန်းတွင် ဘေးတစောင်းမှီလျက် ထိုင်နေရင်း သူ၏ခေါင်းမှာ ကားမှန်ပြတင်းနှင့်ထိုင်ခုံနောက်မှီကြားတွင် ခုန်ပေါက်နေသော ပင်ပေါင်ဘောလုံးလေးတစ်လုံး ကဲ့သို့ ဟိုဘက်ဒီဘက် ဆောင့်မိနေလျက်။ တစ်နာရီကျော်ကြာသည်အထိ လမ်းမှာ ဆိုးရွားနေခဲ့ပြီး တစ်နေရာလေးတောင် ချောချောမွေ့မွေ့မရှိခဲ့ပေ။ ကားထဲတွင်လည်း နားကွဲမတတ် ကျယ်လောင်သည့် တေးသီချင်းသံများဖြင့် ပြည့်နှက်နေပြီး ၊ အပြင်ဘက်မှာလည်း မိုးများ သည်းထန်စွာ ရွာသွန်းနေသည်။ အဆက်မပြတ် ကားနှင့် ခေါင်း ဆောင့်နေသည့်ဒဏ်နှင့် ဆူညံသံများကြောင့် ရှန်ယွီ ခေါင်းမူးလာသည်။ သူ၏လည်ပင်းမှာလည်း နာကျင်နေပြီဖြစ်ရာ ခေါင်းကို ငြိမ်အောင်ထားရန်ပင် မကြိုးစားချင်တော့ပေ။ ရှေ့မှ ကားမောင်းနေသော လျူဝူ က တစ်ခုခုပြောလိုက်သော်လည်း သူ သေချာမကြားရ။ “ဟင်...” ရှန်ယွီက ခေါင်းကိုခါယမ်းရင်း ပြန်ထူးလိုက်သည်။ ထိုအခါ လျူဝူက ဘေးလူထိုင်ခုံပေါ်မှ ကာရာအိုကေ မိုက်ကရိုဖုန်းကို ကောက်ကိုင်လိုက်ပြီး “ဝမ်းကွဲအစ်ကိုကြီး... ဖုန်းကိုင်ပါဦးခင်ဗျား!” ဟု ဟစ်အော်ပြောလိုက်လေသည်။ ရှန်ယွီ ခဏလောက် စမ်းတဝါးဝါး ရှာဖွေပြီးနောက် ထိုင်ခုံကြားထဲကနေ သူ့ဖုန်းကို နှိုက်ထုတ်လိုက်နိုင်၏ ။ Spam အဖြစ် မှတ်သားထား...
Post a Comment
Read more

ဇာတ်လမ်း မိတ်ဆက်

  Qiu Zao (秋燥) / by Wu Zhe / ဆောင်းဦးမြို့က ရွက်ကြွေနီ/ translated by Hsu Chi Ko ဇာတ်လမ်း မိတ်ဆက်  Slice of Life, First Love, Romance, & Second Family ရိုးရှင်းပြီး ငယ်ရွယ်တဲ့ အချစ်ဦးပုံပြင် ၊ နေ့စဥ်ဘဝမှာ ပင် သင်လည်း တွေ့ဆုံ ကြုံကြိုက်နိုင်တဲ့ မေတ္တာ ၊  စိတ်ကူးယဥ် ကမ္ဘာပေမဲ့… အဲ့လောက်ကြီး ကျ မဖြစ်နိုင်ဘူးလို့ ငြင်းလို့မရတဲ့ လက်တွေ့ဆန်မှု ။ ဒီနေရာမှာ အားလုံးရှိတယ်။ Wu Lao Shi ရဲ့ ထုံးစံအတိုင်း အချင်းချင်းဖေးမ စောင့်‌ရှောက် ၊ အတူတူ ကြီးပြင်းဆိုတာလေးတွေကို ဒီမှာ အပြည့်အဝတွေ့ရမယ်။ Age gap 6 နှစ်လေးကလည်း စွဲမက်စရာအပြင်ကိုမှ GeGe Shan Yu  ရဲ့ အပြောတစ်ပေါက် လျှမ်းလျှမ်းတောက်မှုတွေကိုလည်း တွေ့ရမယ်။ Introvet လေးပေမဲ့ ဘော့စ်ရှန်ရဲ့ Problem solving skill , Human resource management , collaboration skill နဲ့ ပိုက်ဆံကို လက်မကပ်ဘဲ Happy Money အဖြစ် သုံးစရာရှိတဲ့ နေရာမှာ သုံးချလိုက်တာတွေက အတုယူစရာပဲ။ ပါးစပ်ထဲကလျှာကတော့ အသွားနှစ်ဖက်ဓားလို ထက်လွန်းလို့ ဒါဖတ်ပြီးရင် အရမ်း ပက်ခနဲ ပက်ခနဲ ပြောပြီးစွာချင်လာလို့ မနည်းထိန်းရတဲ့အထိပဲ ။ တကယ်ကိုယ်တွေ့ပါ။ Wu Lao Shi သားတွေထဲ သူအစွာဆုံးပဲ...
1 comment
Read more

2

အခန်း (၂) မိုးမှာ တဖွဲဖွဲတစ်လှည့်၊ သည်းထန်စွာတစ်လှည့် ဆက်လက်ရွာသွန်းနေဆဲ…ဆိုင်တံခါးအပြင်ဘက်ရှိ မိုးကာအမိုးပေါ်တွင် ရေများပြည့်လျှံနေပြီး အချိန်မရွေး ပြိုကျတော့မည့်အလား ။ လျူဝူသည် ထိုအမိုးကို ခေတ္တမျှ စောင့်ကြည့်နေပြီးနောက် လက်ညှိုးထိုးပြကာ မေးမြန်းစူးစမ်းခန်းစသည်။ “အဲ့ဒီဟာက ရေတွေကို အလိုအလျောက် စီးဆင်းအောင် လုပ်ပေးနိုင်တာလား” “ဟုတ်တယ်” ချန်ကျန် ခပ်တိုတိုပဲ ပြန်ဖြေ၏။ “ဟင်” လျူဝူသည် အံ့အားသင့်သွားပြီး “တကယ်ကြီး အလိုအလျောက်လား” ဟု ထပ်မေးသည်။ “အသံနဲ့ ခိုင်းရတာလေ” “ဗျာ” ချန်ကျန့် အဖြေကြောင့် လျူဝူမှာ ပို၍ပင် ဝေခွဲမရဖြစ်သွားတော့သည်။ ရှန်ယွီသည် သက်ပြင်းချရင်း မျက်နှာကို အခြားတစ်ဖက်သို့ လွှဲလိုက်ရ‌တော့၏။ ချန်ကျန် မတ်တတ်ရပ်လိုက်ပြီး တံခါးဘေးရှိ ခွတစ်ခုကို ယူကာ မိုးကာအမိုးအောက်သို့ လမ်းလျှောက်သွားသည်။ ထို့နောက် အမိုး၏ အပေါ်ဘက်ကို နှစ်ချက်ခန့် ဆွလိုက်ရာ စုပုံနေသော မိုးရေများမှာ ဝေါကနဲ စီးကျသွားပြီး မိုးကာအမိုးမှာ ပုံမှန်အတိုင်း ပြန်ဖြစ်သွား၏။ “မင်း ပြောလိုက်တဲ့ ခဏမှာပဲ ရေတွေက စီးဆင်းသွားတာလေ” ချန်ကျန် ပြန်လည်ထိုင်လိုက်ရင်း “အသံနဲ့ ခိုင်းရတာဆိုတာ အဲ့ဒါကို ပြောတာ” ဟု ဆိုသည်။ “အသံနဲ့ ခိုင်းရတယ်ဆို...
Post a Comment
Read more