အနာဂတ်အတွက် မှတ်စုတို
ကျွန်တော်တို့ရဲ့ စိုးရိမ်ပူပန်မှုတွေနဲ့ မလုံခြုံမှုတွေဟာ အထူးသဖြင့် အနောက်နိုင်ငံတွေမှာပေါ့
"အနာဂတ်မှာ ဘာပြဿနာမှ မရှိစေရဘူး" ဆိုတဲ့ ကျွန်တော်တို့ရဲ့ တောင်းဆိုချက်ကြောင့် ဖြစ်ပေါ်လာတာပါ။ ဒါပေမဲ့ အဲ့ဒီလို အာမခံချက်မျိုးကို ကျွန်တော်တို့ ဘယ်တော့မှ ရနိုင်မှာမဟုတ်ပါဘူး။ အနာဂတ်ဆိုတာ... သူ့လက်ထဲမှာ ဘောပင်ကို ကိုင်ထားပြီး အဲ့ဒီလို ပြဿနာမရှိစေရဘူးဆိုတဲ့ စာချုပ်မျိုးကို လက်မှတ်ထိုးပေးဖို့ အပြတ်အသတ် ငြင်းဆိုနေတဲ့သူတစ်ယောက်လိုပါပဲ။
အရှေ့တိုင်း ဒဿနနဲ့ ဝိညာဉ်ရေးရာတွေရဲ့ လွှမ်းမိုးမှုကို အများကြီးခံထားရတဲ့ ဗြိတိသျှ ဒဿနပညာရှင် အလန် ဝပ်တ်စ် (Alan Watts) က အနာဂတ်ဆိုတာ ပင်ကိုယ်သဘာဝအရကို "မသိနိုင်တဲ့အရာ" ဖြစ်တယ်ဆိုတာကို ကျွန်တော်တို့ကို သတိပေးခဲ့ပါတယ်။
"တကယ်လို့... ကျွန်တော်တို့ဟာ အာမခံချက်ရှိတဲ့အနာဂတ် ရှိမှပဲ ပျော်ပျော်ရွှင်ရွှင် နေနိုင်မယ်ဆိုရင်တော့... ကျွန်တော်တို့ဟာ ဒီကမ္ဘာလောကကြီးမှာ ရှင်သန်ဖို့အတွက် အံဝင်ခွင်ကျ မဖြစ်သေးပါဘူး။ ဘာလို့လဲဆိုတော့ ဒီလောကမှာ ဘယ်လောက်ပဲ အစီအစဉ်ကောင်းတွေ ဆွဲထားပါစေ... မတော်တဆမှုတွေက ဖြစ်လာနိုင်သလို၊ နောက်ဆုံးမှာလည်း သေခြင်းတရားက ရောက်လာဦးမှာမို့လို့ပါပဲ" တဲ့။
တစ်နည်းအားဖြင့် ပြောရရင်တော့...
ပျော်ရွှင်ဖို့အတွက် "အနာဂတ်မှာ ဆင်းရဲဒုက္ခတွေ ကင်းစင်နေရမယ်" လို့ ကျွန်တော်တို့က တောင်းဆိုနေသရွေ့ ကျွန်တော်တို့ ပျော်နိုင်မှာ မဟုတ်ပါဘူး။
အဲ့ဒါဟာ ပင်လယ်ပြင်ကြီး လုံးဝငြိမ်သက်သွားတော့မှ ရွက်လွှင့်မယ်လို့ ဇွတ်အတင်း တောင်းဆိုနေတာနဲ့ တူတူပါပဲ။
TN // မြတ်စွာ ဘုရား ပြောသလိုပေ့ါ ။ ဒုက္ခက နေရာတိုင်းမှာ ရှိတယ်။ မရှိတော့ အောင် လုပ်လို့မရဘူး။ ရှိနေတဲ့ ဒုက္ခကြောင့် အရမ်း မခံစားရအောင်ပဲ ကြိုးစားလို့ရမှာ။
ဒီခေတ်အနေနဲ့ ကတော့ Dancing with the problems ပေ့ါ 😁
Comments
Post a Comment