ကြိုဆိုနေသော အနာဂတ်
မျှော်လင့်ချက်ရှိဖို့အတွက် သင်ဟာ အနာဂတ်ကို ကြိုသိနေဖို့ မလိုပါဘူး။ "ဖြစ်နိုင်ခြေ" ဆိုတဲ့ အယူအဆကို လက်ခံယုံကြည်ပေးဖို့ပဲ လိုအပ်တာပါ။ အနာဂတ်ကို ကြိုတင်မသိနိုင်မှု ဟာ ဘဝရဲ့ သော့ချက်ပဲဆိုတာကို လက်ခံလိုက်ပါ။ လက်ရှိ ပစ္စုပ္ပန်ထက် ပိုမိုတောက်ပပြီး ပိုမိုတရားမျှတတဲ့ အနာဂတ်ပုံစံတွေ အများကြီး ရှိနေနိုင်တယ်ဆိုတာကိုလည်း လက်ခံလိုက်ပါ။
အနာဂတ်ဆိုတာအမြဲတမ်း ပွင့်လင်းနေတဲ့ အရာတစ်ခုပါ။
_____________________________________________________________________
ဖြစ်တည်မှုသည်သာ တန်ဖိုး (Being, not doing)
မိတ်ဆွေ....
ကိုယ်ပိုင်တန်ဖိုးကို ရှာဖွေဖို့အတွက် သင့်ကိုယ်သင် ပင်ပန်းနွမ်းနယ်အောင် ကြိုးစားနေစရာ မလိုပါဘူး။ သင်ဟာ Upgrade လိုအပ်နေတဲ့ iPhone တစ်လုံး မဟုတ်ပါဘူး။ သင့်ရဲ့ တန်ဖိုးဆိုတာ အလုပ်ဘယ်လောက်ပြီးမြောက်သလဲ ၊ လေ့ကျင့်ခန်း ဘယ်လောက်လုပ်သလဲ၊ ဒါမှမဟုတ် ခန္ဓာကိုယ်အချိုးအစား ဘယ်လိုရှိသလဲ ဆိုတဲ့အပေါ်မှာ မူတည်နေတာမျိုး မဟုတ်ပါဘူး။ ဘာမှမလုပ်ဘဲ ငြိမ်နေလို့ ပျောက်ဆုံးသွားမယ့်အရာလည်း မဟုတ်ပါဘူး။ တန်ဖိုးဆိုတာ မပြတ်တမ်း လည်ပတ်နေအောင် လုပ်နေရမယ့် ပန်းကန်ပြားတစ်ခု မဟုတ်ပါဘူး။
တန်ဖိုးဆိုတာ မိတ်ဆွေဆီမှာ ရှိပြီးသားပါ။ အဲ့ဒါဟာ သင့်ရဲ့ ပင်ကိုယ်ဖြစ်တည်မှုမှာတင် ပါဝင်နေတဲ့အရာ ဖြစ်ပါတယ်။ အဲ့ဒီတန်ဖိုးဟာ တစ်ခုခုကို "လုပ်ဆောင်နေခြင်း" (Doing) ထဲမှာ ရှိတာမဟုတ်ဘဲ၊ သင်အဖြစ် သင် "ဖြစ်တည်နေခြင်း" (Being) ထဲမှာသာ ရှိတာ ဖြစ်ပါတယ်။
_________________________________________________________________________
"ဘဝက တိုတိုလေး ကြင်ကြင်နာနာရှိကြပါ။"
Comments
Post a Comment