လှပသောအရာ တစ်ခု
တစ်နေ့ကို လှပတဲ့ အရာတစ်ခုလောက်တော့ ခံစားကြည့်ပါ။ ဘယ်လောက်ပဲ သေးငယ်ပါစေ။ ဘယ်လောက်ပဲ အရေးမပါဘူးလို့ ထင်ရပါစေ။ ကဗျာတစ်ပုဒ် ဖတ်တာပဲဖြစ်ဖြစ်၊ ကိုယ်အကြိုက်ဆုံး သီချင်းတစ်ပုဒ် နားထောင်တာပဲဖြစ်ဖြစ်၊ သူငယ်ချင်းတစ်ယောက်နဲ့ အတူတူ ရယ်မောတာပဲဖြစ်ဖြစ်ပေါ့။ နေဝင်ခါနီး ကောင်းကင်ယံကြီးကို ငေးကြည့်တာ ဒါမှမဟုတ် ရုပ်ရှင်ဟောင်း ကောင်းကောင်းတစ်ကား ကြည့်တာမျိုးလည်း ဖြစ်နိုင်ပါတယ်။ ဒါမှမဟုတ် လီမွန်ကိတ်စားလိုက်တာမျိုးပေါ့။
ဘာပဲဖြစ်ဖြစ်... ဒီကမ္ဘာကြီးဟာ အံ့သြစရာတွေနဲ့ ပြည့်နှက်နေတယ်ဆိုတာကို ကိုယ့်ကိုယ်ကိုယ် သတိပေးတဲ့ ရိုးရှင်းတဲ့ အချက်လေးတစ်ခုလောက်တော့ လုပ်ပေးလိုက်ပါ။ ကျွန်တော်တို့ဟာ ဘဝရဲ့ ဘယ်အရာကိုမှ တန်ဖိုးမထားနိုင်တော့တဲ့ အခြေအနေမျိုးကို ရောက်နေရင်တောင်မှ... တစ်နေ့မှာ ကျွန်တော်တို့ ပြန်ပြီး အဆင်သင့်ဖြစ်လာတဲ့အခါ လောကကြီးမှာ ပျော်စရာတွေ အများကြီး ရှိနေသေးတယ်ဆိုတာကို သတိရနေခြင်းက တစ်ခါတလေမှာ အထောက်အကူ ဖြစ်စေပါတယ်။
_______________________________________________________________________
ကြီးထွားမှု
ကျွန်တော်တို့ဟာ ခက်ခဲတဲ့ အချိန်တွေကို ဖြတ်သန်းရင်း ကြီးထွားလာကြတာပါ။ ကြီးထွားမှုဆိုတာ ပြောင်းလဲခြင်းပါပဲ။ အရာရာတိုင်းကသာ လွယ်ကူနေမယ်ဆိုရင် ကျွန်တော်တို့မှာ ပြောင်းလဲဖို့ အကြောင်းပြချက် ရှိမှာမဟုတ်ပါဘူး။ ဘဝရဲ့ အနာကျင်ဆုံး အခိုက်အတန့်တွေဟာ ကျွန်တော်တို့ကို ပိုပြီး ရင့်ကျက်အောင် လုပ်ပေးနိုင်တယ်။ အဲ့ဒီနာကျင်မှုတွေ ထွက်ခွာသွားတဲ့အခါမှာတော့ နေရာလပ်တစ်ခု ကျန်ရစ်ခဲ့မယ်။ အဲ့ဒီနေရာလပ်ကိုမှ ကျွန်တော်တို့ဟာ စစ်မှန်တဲ့ ရှင်သန်မှုတွေနဲ့ ပြန်လည်ဖြည့်ဆည်းနိုင်မှာပါ။
___________________________________________________________________________
ပါစတာ (Pasta)
ဘယ်လို ရုပ်ပိုင်းဆိုင်ရာ အလှအပမျိုးကမှ... ပါစတာစားရမယ့် ပျော်ရွှင်မှုကို စွန့်လွှတ်ရလောက်အောင်အထိ တန်ဖိုးမရှိပါဘူး။
Comments
Post a Comment