ဆိုးရွားနေတဲ့ နေ့တစ်နေ့ကို ပိုကောင်းအောင်လုပ်ဖို့ နည်းလမ်းများ
အိပ်ရာကထပါ။ ကိုယ်လက်သန့်စင်ပါ။ အဝတ်အစားလဲပါ။ မတ်တပ်ရပ်ပါ။ သင့်ခန္ဓာကိုယ်ကို လှုပ်ရှားပေးပါ။ သင့်ဖုန်းကို တခြားအခန်းထဲမှာ ထားခဲ့ပါ။ လမ်းလျှောက်ထွက်ပါ။ အကြောဆန့်ပါ။ ခြေထောက်နှစ်ဖက်ကို နံရံမှာ ကပ်ပြီး မြှင့်ထားပါ။ နေရောင်ခြည်ရနိုင်ရင် နေပူစာလှုံပါ။ တတ်နိုင်ရင် သစ်ပင်ပန်းမန်တွေရှိတဲ့ စိမ်းလန်းတဲ့နေရာတစ်ခုခုကို သွားပါ။ ဥယျာဉ်ခြံ၊ ပန်းခြံ၊ ကွင်းပြင် ဒါမှမဟုတ် တောအုပ်တစ်ခုခုပေါ့။
ခဏလောက်တော့ အသက်ကို ပြင်းပြင်း၊ ဖြည်းဖြည်းနဲ့ သတိကပ်ပြီး ရှူသွင်းရှူထုတ်လုပ်ပါ။ သင်ချစ်ရတဲ့သူတစ်ယောက်ဆီ ဖုန်းဆက်ပါ။ တကယ်လို့ လုပ်ရမယ်လို့ တစ်ပါးသူတွေရဲ့ မျှော်လင့်ခံထားရပေမဲ့ တကယ်တမ်း မလုပ်ချင်ဘဲ စိတ်ထဲမှာ တင်းကျပ်နေစေတဲ့ အရာတစ်ခုရှိရင် အခုပဲ အဲ့ဒါကို ဖျက်သိမ်းလိုက်ပါ။ အခုချက်ချင်း လုပ်လိုက်ပါ။
တတ်နိုင်ရင် ကောင်းမွန်တဲ့ အစားအစာတစ်ခုကို ကိုယ်တိုင်ချက်ပြုတ်ပြီး အဲ့ဒီလုပ်ဆောင်ချက်အပေါ်မှာပဲ အာရုံစိုက်ထားပါ။ ချက်ပြုတ်ခြင်းဆိုတာ အကောင်းဆုံး "လှုပ်ရှားရင်း တရားထိုင်ခြင်း" (Active meditation) တစ်မျိုးပါပဲ။ အထူးသဖြင့် မှောင်သွားတဲ့အချိန်မှာ ဖုန်းနဲ့ ကွန်ပျူတာတွေကထွက်တဲ့ အပြာရောင်အလင်းတန်း တွေကို ရှောင်ပါ။
စိတ်ထဲမှာ ပေါ်လာတဲ့ အတွေးဆိုးတွေကို တားမထားဘဲ ခံစားခွင့်ပြုလိုက်ပါ၊ အဲ့ဒီလိုလုပ်မှသာ သူတို့တွေက မိတ်ဆွေ ဆီကနေ ပိုပြီး မြန်မြန်ဆန်ဆန် ဖြတ်သန်းသွားမှာ ဖြစ်လို့ပါ။ သင်တကယ်ကြိုက်တဲ့ တီဗီအစီအစဉ်တစ်ခုခုကို ကြည့်ပါ။ ဒါပေမဲ့ မကြည့်ခင်မှာ ဘယ်လောက်ကြာကြာ ကြည့်မလဲဆိုတာကို အရင်ဆုံး သတ်မှတ်ထားပြီး အဲ့ဒီအတိုင်းပဲ လုပ်ပါ။
ညဘက်မှာ ကောင်းကင်ကြည်လင်နေရင် လွန်ခဲ့တဲ့ နှစ်ပေါင်းနှစ်ထောင်နီးပါးက Marcus Aurelius ခက်ခဲတဲ့အချိန်တွေမှာ လုပ်ခဲ့သလိုမျိုး ကြယ်တွေကို ငေးကြည့်ပါ။ သန်းခေါင်မတိုင်ခင် အိပ်ရာဝင်ပါ။ အိပ်ပျော်အောင် အတင်းကြီး မကြိုးစားပါနဲ့။ အဆွေ့ စိတ်ထဲမှာ ဒီနေ့တစ်နေ့တာလုံးကို ပြန်လည်သုံးသပ်စုစည်းခွင့်ပေးလိုက်ပြီး အကြောက်တရားနဲ့ စိတ်ပျက်စရာတွေကို စိတ်ထဲကနေ လွင့်မျောသွားပါစေတော့။
Comments
Post a Comment